【Now財經台】市傳內地海關豁免美國部分晶片關稅，中芯國際(00981)股價今日(25日)受壓，失守10天、20天線，喺之前「黑色星期一」(7日)晶片股紛紛裂口下跌，但中芯只係用咗兩日已補晒裂口，之後喺下跌前水平橫行，中芯短期有冇機會出現突破？中芯CALL價外幅度介乎約30%至70%，屬於中長身，槓桿3至4倍，睇好中芯應該點部署？
胤源世創家族辦公室(香港)第一副總裁黃偉豪指，長短身問題唔大，如果做即市部署，偏長身嘅時間值損耗唔會太快，但要留意行使價距離現價比較遠，短期爆升30%以上，變成等價或價外嘅機會唔大，雖然中芯只係用咗兩日已補晒裂口，但成個半導體行業都係關稅戰風眼，尤其係美國政府取態對中芯都有影響，建議等股價突破或企穩50天線先再向上望，注碼上可以細注返啲，博中線向上會比較好。
