【Now財經台】半新股英諾賽科(02577)主要研製氮化鎵產品，股價今早(15日)高開逾2%後，好快就掉頭向下，仲愈跌愈多，收市跌逾5%，以全日低位38元收市，成交股數較過去100日同時段平均增70%。
集團昨日(14日)收市後出通告，發布自主開發嘅氮化鎵新產品，可提升車載充電效率及縮小體積，擴大續航里程及降低成本，將會應用喺新能源汽車、人工智能(AI)數據中心等，關稅戰開打前市場反應都幾正面，但依家市場焦點去哂貿易戰，英諾賽科嘅客戶係受貿易戰影響嘅半導體製造服務商，股價當然炒唔起。
雖然英諾賽科最大客戶寧德時代即將來港上市，要留意到時大市氣氛有冇改善，但揀半新股時，建議揀返受關稅影響較細嘅股份會穩陣啲。
