【now.com財經】話咁快又到3月尾，即係今年嘅Q1都差唔多完，時間過得真係快，作戰室又係時侯討論五窮六絕今年會唔會出現；你呢?!你又覺得今年五窮六絕會出現嗎?!
先唔諗咁遠，望返今日條指數先，開市先升59點，報23749點，喺作戰室如常一早Mark定晒啲上/下方量度線位時，見到小時圖 100線(23,813點)、五分鐘圖保歷加頂(23,796點)同日線圖20線(23,776點)，三條線嘅擺位都近，而三條線當中以日線中軸比較重要。指數今朝開市口價雖然著綠燈，不過都係企唔返上去；作戰室今朝諗住偷一注好倉順一順個U盤都偷唔到，最後都係反手淡倉由得佢向返第一層重貨牛方向走，10點未到大家都數住格仔先行離場。
10點後見小時圖，擺位都仲係喺150線之上，而頭頂本來100線喺度，但個勢似乎10線要進來了，同步下方牛證第一層街貨aka重貨區雖然都食咗一半有多，但始終指數依家擺位都仲係同下方牛證比較近，按此出淡倉嘅勝算似乎比好倉都仲係高啲；只不過係見到佢10點打後轉燈都仲密過我樓下盞紅綠燈，胃已反。
望望月曆，今日收市後比亞迪(01211)出業績，之前由高位426.6元向下碌到落嚟依家390元，小時圖上有見股價於50線接住，都接咗好一段時間啦，同時Slow STC(14.3)亦有見出觸底，只係向上嘅斜度唔高。
換條保歷加出嚟的確好一般，因為依家先開始有見頂線開始橫行，慢慢扭返整條保歷加向下嚟比個條件Swing Trade出現。
提早借定線而出比迪牛(56725)，收回價375元，為市場最貼價牛證之中槓桿最高，有約16.7倍，下方量度線用返小時圖50線啦！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
