【Now財經台】比亞迪股份(01211)將於下周一出業績，但放榜前遭貝萊德(BlackRock)減持，比亞迪股價今日(21日)失守400元關口，一度低見388.6元，大跌逾8%，今朝受歡迎嘅CALL做5至6倍槓桿，條款方面應該點揀好？
星展香港環球金融市場上市產品主管周國威指，貝萊德減持金額相對於比亞迪成交只係小數目，相比減持消息，其實比亞迪匈牙利工廠遭歐盟調查影響更大，雖然只係初步消息，但仍要留意股價會唔會有調整壓力。
條款方面，佢指出，如果投資者想用槓桿放大進攻，可以揀高槓桿CALL，例如6月到期，行使價約420元，實際槓桿做到6倍，若正股調整後上返420元高位，呢款CALL爆炸力就會好大，如果覺得入場費太貴，只想小注就可以揀長年期及價外CALL，例如8月，甚至2026年到期，槓桿有3至5倍，亦可減低時間值損耗。
