【Now財經台】昨日(19日)有唔少資金淨流入騰訊控股(00700)好倉部署業績，但集團預告，為力谷人工智能(AI)資本支出會進一步加大，騰訊股價今日(20日)受壓，輪價跌30%以上，有冇資金再加碼追好倉？此外，騰訊PUT輪原本有6至7倍槓桿，但今日(20日)似乎有「升唔足」嘅情況，喺績前部署咗淡倉嘅投資者，依家可唔可以獲利？
花旗上市衍生產品部副總裁麥穎儀指，今日加倉最多係騰訊CALL及PUT，而熱門CALL條款十分參差，價外10%或40%都有，行使價700元，其中，以槓桿8至10倍，約100日到期嘅產品加倉最明顯，雖然今日輪價都跌咗唔少，但都有投資者今日趁低繼續加倉，溝淡或博反彈，此外，亦見到有新資金入場。
Jenny續指，PUT輪方面，因為引伸波幅及股價喺業績後明顯回調，加上有部分資金選擇食糊離場，令整體波幅出現回調，所以有「升唔足」嘅情況，但食糊離場嘅投資者收益仍然可觀。
