【Now財經台】騰訊音樂(01698)去年多賺35%，收入按年增長逾2%，全年在線音樂訂閱收入則按年增長逾25%，集團又宣布啟動新一輪10億美元回購。騰訊音樂股價今日(19日)一度大升16%，高見59.3元。集團交出一份靚業績，股價係咪可以繼續走強？
紅蟻資本投資總監李澤銘指，騰訊音樂呢份業績畀到市場驚喜，多家大行隨即上調今年收入及盈利預測，又指估值有一定提升空間。Alan又稱，股價大升前預測市盈率(PE)約17倍，今日爆升後約18至19倍，佢認為PE喺20倍樓下仍算合理，唔算太貴，雖然股價冇大調整風險，但受估值限制，股價未必有再大升空間。
