【now.com財經】噚日揀咗隻泡泡瑪特(09992)，同步執定隻泡瑪Call(29751)出嚟，決定等五分鐘圖Slow STC(14.3)見超賣位出到觸底上先至落場，呢一注係講求耐性(老娘最欠奉嘅一樣嘢)。
等到大約喺噚日嘅下半場1點25分，Slow STC(14.3)終於見到由超賣位觸底向上兼離開超賣範圍，如常的用10分鐘作為買入時間的話，期內(29751)高低位做過0.255元/0.249元，平均買入價為0.252元。
呢一注Call預咗都可能要Hold得比較耐，望嘅係股價可以借日線圖嘅中軸，甚至係週線圖嘅10線繼續上；當然啦如果你注貨夠你數格仔嘅，幾時走都係可以，快嘅可能喺噚日2點50分時見五分鐘圖Slow STC(14.3)上返超買位而走，按當時做過0.26元/0.265元計，咁都有10.5格或4.17%快執架！
甚至，以上述兩個位Set好做下方量度線亦可；咁反過來可能就係博popmart企住喺120蚊樓上啦。記得今日星期五，過夜=過Weekend。
等緊完U時收到老best長條形嘅Message，呢個我中一識+玩到大嘅朋友下個月終於都移民走人啦，透過讀書嘅方法移加而佢成日都話佢呢個degree我都有份...er...um...我只係做番中學時嘅「老本行」：功課協力組啫(Maths$20份!A Maths要$40呀! 排隊呀!)
恒指今朝開升190點，日線圖條中軸線都真係夠晒硬；而隻popmart少少地著住盞綠燈OK架啦！隻Call開市報0.26元。都係嗰句：數住自己注貨啦！(我通常都係見好收嘅)。
再睇返恒指，五分鐘圖上見指數由噚日下半場到今日都仲借住條中中軸上落，依家9點48分啫，Slow STC(14.3)兩線開市到依家都仲處於中軸位，戰友開喺開市首半個鐘借住呢條中軸線嚟玩好倉。
等到10點後，終於見到指數於小時圖企好50線，望望鐘依家10點16分，恒指23,806點，升幅擴大至升344點，指數已經將第一層熊證街貨收回嘅同時，作戰室嘅好倉都開始收工，皆因在家都有開始見到指數喺五分鐘圖上高位出「射擊之星」。
恒指牛(68345)，收回價23,300點，同現價有大約500點距離，45.6倍槓桿已經夠做DT，見高位「射擊之星」仲比好倉嘅原因係博下方有平均線接住再推返上去啫，否則用返五分鐘圖Slow STC(14.3)行Swing都得啦！
BTW，唔好唔記得隻popmart呀！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
