【now.com財經】內地潮玩IP大戰升級？據內媒報道，阿里巴巴(09988)喺北京開咗第1家實體潮玩店「好運連得LUCKY LOOP」，呢家唔係單一IP門店，而係一家綜合潮玩集合店，除咗有依家熱門嘅TNT、Wakuku等熱門IP，亦有唔少海外潮玩IP，有文創周邊、盲盒、潮流手辦等產品。值得留意係，阿里推出3個自有潮玩IP，分別係Nooobit、Penny、Hoya，已經「進駐」咗門店。
阿里今次似乎係衝著潮玩IP龍頭泡泡瑪特(POP MART)(09992)而嚟，加上後者旗下IP人氣跌Watt，對POP MART嚟講似乎係一大挑戰，POP MART股價今朝(6日)平開，開市報206.2元，其後一度低見202元，跌2%，最新拗腰微升，報206.6元。
