【Now財經台】國際金價重上每盎司2900美元，金飾股周大福(01929)及老鋪黃金(06181)股價今日(5日)大升逾10%，摩根士丹利睇好周大福透過產品高端化，可以爭取到更高市佔率，不過，依家嘅經營環境唔係咁理想，金飾股升勢係咪可以持續？
南華金融集團副總裁莫灝楠指，呢兩隻金飾股都係做傳統金飾相關零售業務，毛利率偏低，雖然公司搵有傳統手藝嘅老師傅幫手，透過雕花、新穎設計令金飾變得獨特，甚至出限量版，但未必可以撐起股價之餘，短線亦未必係股價上升動力。
Casper又話，由於金飾手藝市場細，加上環球市場經營氣氛差，所以周大福都唔敢好激進咁開分店，估計係希望店舖增長保持平穩，佢認為，周大福首要任務係改善存貨周轉率，減少黃金坐貨。
