【Now財經台】有消息指，名創優品(09896)擬將潮玩品牌TOP TOY分拆及來港上市，TOP TOY除咗同Sanrio、Bandai、Marvel等大IP合作，亦有跟內地及海外唔同藝術家合作，喺依家嘅市況下，如果名創真係分拆TOP TOY，後者可唔可以攞到一個靚估值？
博威環球證券金融首席分析師聶振邦指，現時泡泡瑪特(09992)市盈率(PE)約80倍，TOP TOY部署上市時，估值會以較高PE嘅泡泡瑪特作參考，有利TOP TOY估值。值得留意係，TOP TOY由申請上市到批核需要一段時間，期間泡泡瑪特股價可唔可以維持喺現水平，都會對TOP TOY有影響。
