【Now財經台】美國總統特朗普(Donald Trump)指，將會向歐盟汽車徵收25%關稅，意味內地汽車競爭力有機會提升，比亞迪股份(01211)股價今日(27日)高開逾4%，再創新高，應該點部署比亞迪CALL？
中信證券國際股權衍生品銷售經理李佳原指，雖然比亞迪股價今日表現唔錯，但如果睇埋對上3個交易日，表現相對其他汽車股係落後，包括消息傳出後曾炒高10%嘅理想汽車(02015)及小鵬汽車(09896)，表現都好過比亞迪，所以今日追好倉嘅資金都比較積極。
Sam續指，一般投資者會揀中年期及較價外條款，因為比亞迪股價最近都累積咗一定升幅，如果短年期，好多產品嘅行使價都已變價內，因此，如果投資者想揀價外產品，都會揀年期長少少，例如今年9月到期，行使價500元，甚至550元以上，博4至5倍槓桿。
