【Now財經台】兩大龍頭遊戲股騰訊控股(00700)及網易(09999)股價今日(16日)繼續分化，網易持續強勢，暫時已連升第9個交易日，騰訊今朝高開後，走勢反覆。
2024年10月曾傳出騰訊想私有化法國遊戲開發商育碧娛樂(Ubisoft)嘅消息，到昨日(15日)再傳出，騰訊正考慮跟Ubisoft嘅古耶莫(Guillemot)家族成立1家合資公司。不過，睇返騰訊股價今日表現，投資者似乎唔太受落。
雖然成立合資同之前傳嘅私有化唔同，但其實Ubisoft市值僅逾10億歐元，騰訊有足夠能力將Ubisoft私有化，更可順勢買斷公司嘅遊戲知識產權(IP)，新成立嘅合資會用到幾多IP都係未知之數，未來要留意有冇後續消息。
