【Now財經台】市傳小紅書大股東計劃出售部分持股，騰訊控股(00700)等有意接手。騰訊股價今朝(17日)向下，熱門CALL都比較價外，較多人揀行使價480至540元，屬於中長身，槓桿做到7倍至9倍，雖然熱門牛證槓桿有12至15倍，但似乎CALL防守性較高，係咪較值博？
法興銀行證券上市產品銷售部董事周翰宏指，騰訊被列入美國軍事企業黑名單，短期嚟講沽壓會較大，雖然集團加大回購力度，但股價反彈力度唔算特別強，反映公司回購嘅同時，亦有投資者沽貨。佢又提醒，部署騰訊撈底嗰陣，牛證防守點一定係365元前，如果想做中長線撈底部署，可以揀收回價350元或以下牛證。
Horace又話，騰訊短期價外CALL，槓桿做到逾10倍，行使價400元，如果2025年3月到期更可以做到12倍。佢建議，如果投資者想博騰訊短期反彈，CALL輪可能較牛證吸引，若選擇貼價條款，回報率會更高。
