【Now財經台】優必選(09880)同富士康就人形機械人喺智能製造領域應用，建立全方位長期戰略合作關係，喺真實應用場景測試人形機械人表現，優必選股價今日(15日)一度炒高逾15%，高見55.05元，係咪反映市場睇好今次合作？機械人概念股之中，優必選係咪可睇高一線？
南華金融集團副總裁莫灝楠指，富士康係硬件供應商，銷售方面未必可以幫到手，機械人同汽車零件嘅製造方式、產業鏈基本上一樣，富士康喺汽車零件、手機設備、機械人及人工智能(AI)相關產業都有一定嘅市場份額，可以一站式為優必選提供大部分製造機械人嘅硬件。
Casper又話，好多公司都處於實驗性階段，人形機械人嘅技術要求及成本高，暫時未見到內地有明顯優勢嘅公司，喺港股中，比亞迪電子(00285)係最明顯符合機械人概念嘅公司，其他就要觀察多一段時間。
