【Now財經台】花旗表示，2025年上半年睇好Android多過蘋果公司(Apple Inc.)供應鏈，但下半年情況就相反，上半年Android旗艦機會使用瑞聲瑞聲科技(02018)嘅晶圓級(WLG)玻塑混合鏡頭技術，正正係瑞聲近年嘅增長動力，亦係獨家技術，點睇瑞聲前景？
信達國際研究部董事趙晞文指，WLG係瑞聲嘅先發優勢，已經研發咗好多年，WLG嘅成本比玻璃平，對下游品牌嚟講，製造成本大大降低，加上2025年主打Android主題，愈嚟愈多客戶選擇使用WLG，佢認為，今年WLG及鏡頭業務增長空間可以睇高一線。
