【Now財經台】騰訊控股(00700)連跌6日後，今朝(9日)再低開，見3個月低位，但之後掉頭向上，一度高見379.4元，倒升2.7%，其後升幅收窄，「好友進、淡友退」會唔會係今日嘅pattern？
中信里昂股權衍生品銷售經理李佳原表示，騰訊今日成交相對淡靜，若投資者係想博反彈，可能早兩日已經部署咗，騰訊股價今日反彈幅度較細，所以見到資金都比較猶豫，新資金唔算多，就算之前做咗部署，見今日彈咗1%至2%，都未必會食糊，始終騰訊股價喺兩日內累跌約10%，今日嘅反彈幅度難滿足投資者胃口。
Sam又話，過去3日累計，有逾1.2億元資金流入騰訊CALL，牛證亦有近4000萬元資金流入，兩者合計已多過其他個股好倉總和，反映投資者呢兩日衝晒去撈騰訊，後續部署關鍵要留意騰訊資金流向。
