【Now財經台】速騰聚創(02498)股價今日(27日)高開近15%後，升幅一度擴大至近33%，高見22.4元，其後升幅收窄，收市報18.88元，升近12%，成交相當大，成交股數較過去100日同時段平均增9倍，成交金額近8.7億元。
速騰聚創主打激光雷達產品，喺美國上市嘅同業禾賽科技，昨日(26日)喺美股開市前出咗第3季業績，收入按年增長20%，遠超市場預期，刺激股價隔晚爆升逾40%，周五(29日)出第3季業績嘅速騰聚創亦趁機炒上。
集團今日喺大成交下衝高回落，反映押注業績嘅資金寧願喺高位先食糊，後市要留意周五出爐嘅業績，因為係股價未來走勢嘅關鍵因素。
