【Now財經台】港鐵公司(00066)2015年5月31日開始營運往來Liverpool Street與Shenfield嘅伊利沙伯綫(Elizabeth Line)，呢條綫全長128公里，有41個車站，不過，專營權明年就要「轉莊」，因為港鐵投票失敗。
倫敦交通局(TFL)最新宣布，會將新專營權交畀GTS Rail Operations，呢間係一間合資公司，「成員」包括英國公共運輸營運商Go Ahead Group、日本東京Metro地鐵及住友商事。
TFL又話，GTS將會喺2025年5月接手港鐵依家營運嘅業務，新合約為期7年，仲可以揀再額外延長兩年。
港鐵股價今日發吽哣，唔上唔落，最新報27.35元，近乎無升跌。
