【Now財經台】港交所(00388)股價今日(13日)失守20天線，一度挫2.6%，低見304元，昨日(12日)好淡倉都有資金流入，但好倉資金明顯較多，5日合計有逾1500萬元坐貨，今日(13日)資金流入邊一邊較多？
星展香港環球金融市場上市產品策略師鍾宛婷指，資金偏向流入港交所好倉，因為近日股價算係跑贏大市，上周已突破橫行區，雖然大市今個星期跌穿橫行區，但港交所股價仍守住300元關口，加上順豐控股稍後好大機會上市，可能係繼美的集團(00300)之後，今年第2大首次公開招股(IPO)，所以刺激港交所股價造好。
Kathrin又指，之前較熱門嘅好倉條款，行使價350元，3月底到期，槓杆6至7倍，如果擔心街貨多，可以考慮行使價385元，明年6月到期，槓杆4至5倍。
