【Now財經台】「十一黃金周」長假明日(10月1日)展開，攜程集團(09961)股價上周五(27日)大升12%，今日(30日)繼續破頂，一度升逾5%，高見499元。攜程上周五急升，引伸波幅有咩變化？依家買CALL或PUT係咪會買貴咗？
中信里昂股權衍生品銷售經理李佳原指，資金短期追貨會優先考慮追入美團(03690)、騰訊控股(00700)，相對呢啲股份，攜程就比較落後，主要係需求唔大，攜程引伸波幅升幅唔算顯著，所以投資者唔需要擔心相關風險。
佢又話，現時市場氣氛好，要留意會唔會帶動「十一黃金周」長假期嘅表現，提振市場對旅遊股嘅信心，攜程股價近日破頂，股價會否繼續向上仍有待觀察，投資者可以考慮揀價外約10%，2至3個月到期嘅條款，呢類產品爆發力唔錯。
