【Now財經台】人民銀行今朝(24日)公布降準等措施救市，消息利好內銀股，其中，建設銀行(00939)股價一度高見5.8元，升2.4%，距離破頂不遠，流入CALL輪嘅資金，會唔會揀較進取、高槓桿嘅選擇？
星展香港環球金融市場上市產品策略師鍾宛婷指，之前內銀股受下調存量房貸利率嘅消息影響，其中，建行股價一度落到5.2元水平，之後做咗個短期底，股價亦升返上去，人行今日宣布降準，理論上會有正面影響，估計有機會上返前高位，即5.86元水平。
Kathrin續指，如果好友想博破頂，可以選擇嘅條款都較進取，價外10%，行使價介乎6.6至6.9元，呢類條款都有唔少投資者揀，亦可以留意明年2至3月到期，槓桿13倍以上嘅CALL，佢又話，可以用較細注碼博較高槓桿破前高位。
