【Now財經台】近排手機市場畀iPhone 16及華為Mate XT搶晒fo，係咪唔記得咗小米集團(01810)其實都好快有新機出？
小米董事長雷軍喺微博發文，畀咗個「溫馨提示」大家，佢話Note 14系列將會喺今個星期四(26日)晚上7點發布，又話係新10年第1款作品，開啟品質大換代，更抗跌、更防水，以及續航力更長。
Redmi Note 14 Pro及14 Pro+屬於性價比較高嘅中高檔機，其中，Note 14 Pro有兩個顏色揀，分別係藍色及紫色。睇返依家傳出嘅消息，估計呢兩部機11月就會喺全球發表。
至於小米股價喺發布會進入倒數階段之際，今日(23日)跟隨大市造好，一度高見20.8元，升4.6%，其後升幅收窄，最新報20.45元，升2.8%。
