【Now財經台】截至早上11時止，1小時內《彭博》用戶搜尋量最多嘅港股，依次為中國奧園(03883)、小米集團(01810)、聯想集團(00992)、吉利汽車(00175)及友邦保險(01299)。
奧園宣布易手，主要股東Ace Rise同意轉讓股權予Multi Gold(MG)，中東富豪入主，創辦人郭梓文會出局，消息令股價一度狂飆逾147%，高見0.295元，新資金對奧園有咩幫助？股價未來會點走？
富昌證券聯席董事譚朗蔚指，中東富豪入主奧園，為股價帶來爆炸性驚喜，近年內地企業熱衷於吸納中東資金，但內房板塊非常高危，即使有外國資金流入，唔代表可以無視行業不利因素。
Stevan提醒投資者，雖然奧園有「白武士」打救令股價倍升，但對整體走勢影響唔大，前景仍然唔值得睇好。
