【Now財經台】截至早上11時止，1小時內《彭博》用戶搜尋量最多港股，依次為碧桂園(02007)、九龍倉集團(00004)、中國銀行(03988)、天泓文創(08500)及中升控股(00881)。
滙豐證劵全線下調本地地產股目標價，包括發展商、收租股、以及房地產投資信託基金(REITs)，降幅介乎1%至接近20%，報告指，相關板塊今個月整體跑贏大市，相信股價已開始反映美國下半年減息，但香港係咪會咁快跟美國減息？地產股後市又會點發展？
富途證券香港首席策略師陸秉鈞指，市場已經反映咗減息預期，加上美國上年最後一次加息時，香港冇跟到，所以香港未必會馬上跟美國減息，即使短期內減息，但減幅唔大嘅情況下，對供款冇好大嘅幫助，所以最主要嘅都係市場信心，暫時香港不確定因素比較多，令房地產市場難有即時嘅上升，但今年地產股有一定程度嘅跌幅，再大跌嘅機會唔大，估計會窄幅上落，後市走勢取決於樓市下半年嘅發展。
