【Now財經台】北水昨日(2日)大手掃內銀股,其中以建設銀行(00939)吸北水能力最強,買入逾17億元,雖然有報道指,建行會大規模減薪,但有喺A股上市嘅內銀,7月會步入分紅派息期,吸引資金泊入內銀股,明日(4日)除淨嘅建行,股價今朝(3日)反覆偏軟,輪場資金睇好定睇淡建行較多?資金揀牛熊證還是窩輪較多?
中信證券國際股權衍生品銷售經理李佳原指,近兩個交易日建行好淡都有加倉,好倉博股價繼續破頂,淡倉就博短線回調,CALL及PUT都有捧場客,有產品嘅實際槓桿達10倍以上,條款都幾吸引,價外幅度介乎10%至20%,近期吸引投資者主要用CALL或PUT做好淡部署。