【Now財經台】歐盟昨日(12日)宣布向中國電動車加徵臨時性反補貼關稅,唔同車企有唔同加幅,其中,比亞迪股份(01211)加關稅17%,其實之前比亞迪曾部署喺歐洲設廠,希望解決關稅問題。
艾德金融執行董事陳政深指,設廠唔止涉及組裝問題,係講緊成條供應鏈,中國品牌可以維持高利潤率,係因為內地生產成本低,如果喺歐洲設廠就要支付當地稅項、聘請當地員工、支付當地土地費用,呢啲開支都大過內地。此外,喺歐洲用中國零件亦唔可行,因為歐洲喺製造過程佔比唔高,亦唔會視為歐洲車,所以喺歐洲設廠係解決唔到成本上升問題。
Ryan又話,歐洲進行嘅反補貼調查係針對品牌,即係認廠唔認人,佢提醒,具針對性及有貿易保護主義制度嘅法例,好易比人「亂擺龍門」,所以歐洲設廠唔會解決關稅問題。