【Now財經台】有報道指,內地放慢採購黃金步伐,消息拖累金礦股今日(11日)全線插水,其中,紫金礦業(02899)今朝低開近3%,失守50天及10天線,活躍嘅CALL大部分今年10月至11月到期,價外26%及44%,槓桿5倍至7倍,呢類條款可唔可取?放慢採購步代對金礦股影響有幾大?
中薇證券研究部執行董事黃偉豪指,紫金股價跟住金價走,金價短期走勢會比較反覆,未必有太大上升空間,若放慢採購黃金消息屬實,黃金嘅炒作會大大降低。
Ravi又話,紫金CALL輪本身年期唔短,所以唔使擔心時間值損耗問題,但價外幅度比現價大,即使之後股價升,都未必即時可以去到等價或價外,依家關鍵支持位係上周三(5日)低位,即16元水平,如果短期跌穿呢個位,可以考慮先止蝕。