【Now財經台】電力股持續造好，睇返5月高息股排行榜，兩隻電力股龍源電力(00916)同華潤電力(00836)齊齊上榜，外圍方面，上個月表現最好都係電力股。近期電力股有唔少利好因素，包括炒作人工智能(AI)帶動電力需求等，電力股係咪可以繼續睇高一線？
香港大學房地產及建設系客席副教授楊書健指，AI耗電量的確好高，亞馬遜(Amazon)甚至買咗1家電廠，再分配10%電力比旗下數據中心訓練AI，不過，Victor認為，如果純粹因AI因素炒作電力股，不如買生產電力產品如電線、火牛等這類公司。
Victor又指，買電力股一般都係因為派息穩定，現時唔少投資者會選擇買電力相關交易所買賣基金(ETF)分散投資，電力ETF都收到4至5厘息。
