【Now財經台】商湯(00020)今日(29日)舉行10周年誌慶啟動禮，同場發布SenseChat粵語版，刺激股價一度大升逾11%，高見1.46元，其後升勢回順，收市升逾4%，報1.37元。
商湯又預告，SenseChat網頁版及手機應用程式，將會喺7月1月正式向公眾開放，永久免費使用，消息帶動商湯再獲資金追捧，市場似乎有一定憧憬，不過，本港市場對比內地、東南亞都較細，為集團帶嚟嘅實際貢獻未必太多。
商湯2021年上市以來，年年都蝕錢，實現盈利似乎仍有一段漫長嘅路要走，值得留意係，現時軟銀集團(SoftBank Group)仍持有商湯4.8%股權，減持陰霾仍揮之不去。
