【Now財經台】商湯(00020)計劃配售約16.7億股新B類股，配股價1.2元，較昨日(20日)收市價折讓約9%，集資淨額近20億元，主要用嚟支持生成式人工智能(Generative AI)進一步發展，而今次配股亦獲得唔少戰略投資者及海外基金入股，今次配股集資對商湯係咪好事？
註冊財務策劃師協會會長黃敏碩指，市場暫時對商湯配股消息尚算正面，正等待「日日新大模型」(Sense Nova)新版本，亦漸漸睇好集團嘅生成式AI現有客戶生意比例會大增，投資者對配售嘅反應都幾理想。
佢又話，唔排除商湯短線仍有集資需要，因為商湯嘅財政狀況仍然比較弱，要推動生成式AI發展需投入更多資金，先可以提升集團競爭力，以及令現金流保持穩健。
