【Now財經台】攜程集團(09961)今日(20日)出業績，股價今朝破頂，一度高見452.2元，成交較活躍嘅CALL行使價大部分499元，價外約11%，槓桿有6倍，今年9月到期，點解呢類CALL咁受歡迎？
中信里昂股權衍生品銷售經理李佳原指，投資者揀呢類CALL主要考慮高槓桿，亦有資金留意行使價約550元，價外幅度大約20%嘅CALL輪，好友主要都望攜程繼續破頂，部署短期高槓桿嘅CALL輪。不過，睇返攜程整體資金流，投資者傾向投資PUT輪，部署攜程見頂後短線回調，行使價集中於375元，係較貼價嘅PUT輪。
