【Now財經台】截至早上11時止，1小時內《彭博》用戶關注度上升最多港股，依次為藥明合聯(02268)、郵儲銀行(01658)、藥明生物(02269)、新鴻基地產(00016)及騰訊控股(00700)。
藥明系今早(3日)全線向下，其中，藥明合聯一度瀉13%，失守100天線。藥明生物指，唔會參加今年6月於美國加州舉行嘅「2024年生物科技國際大會」，藥明康德(02359)亦不在參展商名單內，但兩家公司自2022年起，一直有參加呢個活動。今次嘅決定會唔會同美國今年3月通過《生物安全法》有關？藥明系急挫係咩原因？
華盛證券財富管理部董事李偉傑認為，今年係中美角力非常明顯嘅一年，近日亦有消息指，美國可能會對華為等公司進行新一輪制裁，呼應之前藥明系被美國施壓，喺呢個情況下，如果再去美國出席活動會令市場更觸目，所以就決定唔參加。
Jason又指，集團美國業務佔比相當大，雖然近年已開始擴大大中華區佔比，但始終美國業務盈利貢獻大，若美國不斷加大施壓，必定對藥明系盈利及發展前景構成一定壓力。
股價方面，李偉傑認為，雖然港股近期回勇，唔少股份發力追落後，但藥明系嘅反彈動力未必太大，原因係…
