【Now財經台】「五一黃金周」就到，金沙中國(01928)近日受好倉資金追捧，上周五(26日)有約1100萬元資金流入好倉，金沙相關產品有咩特點？應該點揀好？
法國巴黎銀行上市衍生產品部林恩指，消息面方面，金沙唔算多，但上周五有大量資金密集流入好倉，對股價有支持，加上市傳內地今年簡化旅客出境步驟，都令市場對金沙有憧憬。
部署方面，Lynn分析指，依家金沙貼價CALL，槓桿僅約4倍，唔算太吸引，見到有資金部署行使價約28元嘅CALL，但年期唔好揀太短，如果年底或明年1月到期，槓桿有6倍，都可以考慮。
