【Now財經台】比亞迪股份(01211)日前出咗業績,雖然去年多賺80%,毛利率又高過Tesla,市場明顯唔收貨,拖累股價昨日(27日)挫6%,今朝就先跌後升,一度失守200元關口。今朝活躍CALL有兩隻,價外20%,行使價240元,槓桿6倍,9月到期,另一隻就價外10%,槓桿7倍,7月到期,投資者應該點揀好?
星展香港環球金融市場上市產品主管周國威指,呢兩日有唔少投資者博好倉,因為比亞迪股價由170元升到之前嘅240元,已經反映咗唔少利好因素,依家落返200元水平呢個心理關口,會吸引到唔少短線投資者入場,佢建議條款方面揀返貼價少少,行使價約220元,價外10%。
Dick續指,如果投資者想喺假期前做部署,可以留意長身少少嘅CALL,7月到期,價外10%。