【Now財經台】中國海洋石油(00883)今年產量目標7億至7.2億桶油當量，連續6年創新高，市場關注視中海油未來加大中非安哥拉投資、南美圭亞那已投產項目等，最近又喺勃海發現多個億噸級油田，嚟緊產量會繼續創新高？
亨達財富管理董事總經理姚浩然指，產量好大機會再創新高，但公司要經過實質勘探先可以知道有幾多產量，暫時仲未公布具體數據，但睇返過往數據，油田應該唔錯嘅收益。
中海油股價喺業績前不斷破頂，所以依家回套似乎都係一個合理調整？Patrick就話，依家中海油市盈率(PE)約5倍，但息率唔夠7厘，預期股價會調整至17元水平，最重要始終係要睇住油價，如果油價進一步上升，例如紐約期油升至每桶近90美元，投資者會憧憬盈利及派息率改善，中海油股價有機會升至介乎18至19元。
