【Now財經台】賭股金沙中國(01928)去年初步業績虧轉盈，但唔派息，股價今個月由20元升至依家約24元水平，收復50天及100天線。市面上有成交嘅金沙CALL，大部分行使價約27元，今年6月到期，槓桿6倍至7倍，其餘就係3月到期嘅價外CALL，其實條款選擇唔多，投資者應該點揀？
法巴上市衍生產品部林恩指，雖然選擇唔算多，但合適嘅條款都唔少，投資者可留意約3個月到期嘅CALL，以6月到期為例，槓桿可以做到6至7倍，相對合適。
Lynn又話，市面上亦有較長期嘅條款選擇，2025年1月到期，但暫時嚟睇槓桿唔太吸引，所以較少投資者選擇。
