【Now財經台】新春過後，內需股炒風持續，其中，旅遊平台股受惠於行業數據靚，摩根士丹利就唱好攜程集團(09961)，原因係睇好集團復甦進度比同業快，攜程係咪行業復甦嘅大贏家？
註冊財務策劃師協會會長黃敏碩表示，旅遊數據反映有穩定增長，攜程有唔少國際航線、酒店等，無論旅遊或公幹，唔多唔少都會透過平台預約，令單價額度變大，都多咗推動空間。
Michael又話，雖然攜程股價升幅相對小，但有條件追落後，除非業績有好大偏差，否則，睇返市場氣氛，攜程股價可上望到330元水平，之後可唔可以再突破，就要睇返攜程嘅業務指引。
