【Now財經台】截至早上11時止，1小時內《彭博》用戶搜尋度最多港股，依次為中國石油股份(00857)、中國海洋石油(00883)、中國石油化工股(00386)、建設銀行(00939)、萬科企業(02202)。
「三桶油」今早明顯跑出，除咗央企、中特估炒作外，仲有個利好因素，就係油價又再刷新今年開局以嚟高位，紐約期油企穩每桶75美元樓上，花旗銀行更預期，倫敦布蘭特期油有機會彈上90美元，油價短期仲有冇上望空間？
椽盛資本投資總監曾永堅指，中央現時正鼓勵國企增加派息及回購，再加上「三桶油」有足夠現金流，維持較好的派息，考慮埋俄烏戰事升溫及紅海局勢仍未明朗，對油價係一個有力支持，亦對「三桶油」有利好作用，佢估計，油價短期仲有上望空間。
