【Now財經台】截至早上11時止，1小時內《彭博》用戶關注度上升最多港股，依次為申洲國際(02313)、比亞迪(01211)、中國恒大(03333)、建設銀行(00939)及藥明生物(02269)。
申洲股價今日急挫，公司大客Nike成「幕後推手」。據《彭博》數據顯示，Nike現時佔申洲收入逾25%，又披露未來計劃削減20億美元成本，仲下調全年收入增長指引。不過，市場更擔心係，連國際運動巨企Nike都睇到銷售前景咁淡，申洲其他同類客戶Adidas、PUMA係咪都危危乎？
大華繼顯執行董事梁偉源指，申洲原本預期Nike今年第4季去庫存會最理想，不過，連Nike前景都咁差，對申洲嘅打擊更大。此外，連庫存問題相對較小嘅Nike，都要下調全年收入增長指引，其他同類客戶必定會跟，喺咁多客戶相繼下調指引下，申洲情況好難樂觀。
