【Now財經台】截至早上11時止，1小時內《彭博》用戶關注度上升最多港股，依次為太平洋航運(02343)、海豐國際(01308)、創科實業(00669)、中國海外發展(00688)及港鐵公司(00066)。
以巴戰事持續，紅海接連有貨船受襲，導致多家航運巨頭要停駛紅海航道，轉為取道好望角，帶動運費上升，反映運價嘅波羅的海乾散貨指數(BDI)早前8連升，不過，12月初至今跌咗逾32%，今次改道對運價有幾大支持？
富昌證券聯席董事譚朗蔚表示，BDI短期內有機會升至3400水平，會利好航運股，不過，佢指航運股受高基數效應影響，其實呢個板塊低殘過一段時間，屬於短炒板塊，佢提醒，炒呢類股份要繼續關注地緣政治局勢影響。
Stevan續指，即使BDI反彈，未必代表航運股會跟住彈，加上環球主要經濟體未完全擺脫衰退，所以航運股只適合短炒。
