【Now財經台】東方甄選(01797)向母公司新東方(09901)出售教育業務，作價15億人仔，連埋撇走嘅1.53億人仔負債，東方甄選將錄得收益16.53億人仔，將用作一般營運資金及發展業務，東方甄選股價自年初高位75元一路碌落嚟，至今累跌20%，依家估值係咪變得吸引？
博威環球證券金融首席分析師聶振邦指，東方甄選現價約30元，市盈率(PE)約29倍，數字上唔算靚仔，加上商品交易總額(GMV)半年環比僅錄單位數增長，市場對公司前景有憂慮，雖然隨著集團出售業務，股價近日呈上升趨勢，但要留意，東方甄選股價喺36元水平有阻力，估計喺35元水平有機會回調。
佢建議，有貨嘅投資者可以再觀望1個星期，若股價能夠突破32元，會有力再上，冇貨可以等股價跌穿30元再考慮，因為會比較安全。
