【Now財經台】轉型做直播帶貨嘅東方甄選(01797)，上半年業績收入、商品成交金額(GMV)符合預期，但經調整純利低過預期，調整經營溢利率亦大跌，股價今日逆市急挫，係咪因為盈利能力同市場預期有明顯落差?依家持有東方甄選逾50%股權嘅新東方(09901)會唔會受牽連?
亨達財富管理董事總經理姚浩然指，內地整體經濟增速較慢，所以GMV表現較慢係可以理解。東方甄選股價急挫，係由於總營收成本上升，其中，銷售及營銷開支激增146%，行政開支亦大升130%，Patrick預期，集團未來營運開支將會繼續增加。
對於持有東方甄選逾50%股權嘅新東方，Patrick認為，兩者要分開睇，預期後者業務可持續增長，唔會受到牽連。
