【Now財經台】市場預期，內地主要火力發電股華潤電力(00836)、華電國際(01071)、大唐發電(00991)、華能國電(00902)月底會陸續出第3季業績。
據摩根士丹利分析，由於內地第3季乾旱天氣導致水力發電量大減，同期燃煤發電量趁機反彈，因此，估計煤電股第3季將會扭虧為盈。根據發改委數據顯示，7月全國燃煤發電量按年增加5.3%，8月更按年增14.8%，潤電都唔例外，第2季已錄得純利。
英皇證券研究部總監陳錦興認為，雖然火電股跟住9月大市嘅跌浪碌返落之前低位，但行業基本面唔錯，除咗發電量上升，電煤價格亦回落，如果華電月底公布嘅季績成功扭虧或明顯改善，有機會帶動成個板塊反彈。
Stanley又話，潤電可以追落後，並指集團過去1年股價累跌超過30%，但現時跌到12元水平後已逐漸企穩，加上公司基本面相對理想，上半年業績唔錯，如果第3季經營狀況進一步改善，相信會有資金趁低吸納推返高股價。
