【Now財經台】截至早上11時止，1小時內《彭博》用戶關注度上升最多港股，依次為中金公司(03908)、合景泰富集團(01813)、申洲國際(02313)、中國石油股份(00857)、中國石油化工股份(00386)。
據報1名中金公司副總裁，因本人並非華裔身分、亦非共產黨員，因而在公司內錯失多次晉升機會，以公司涉嫌歧視為理由，正式在紐約控告公司，事件引發熱搜，但對中金股價影響不大，反而市場更聚焦集團喺8月30日公布嘅業績，但上半年內地、香港及美國3地股市投資氣氛麻麻，睇嚟中金及券商股業績都要打定輸數？
富昌證券聯席董事譚朗蔚，潛在人事風險、訴訟等，會唔會為中金帶嚟負面消息仲言之尚早，反而公司嘅ESG投資可能對股價影響更大，依家A股及H股陰霾未散，更同牛市扯唔上關係，作為券商增長動力自然唔會太大，而中金股價低迷，甚至算係利淡因素，因此，Stevan認為，即使中金係板塊龍頭，但只能保持觀望，不撈底、不憧憬。
