【Now財經台】騰訊控股(00700)股價業績後逆市升，雖然季度收入上市以來破天荒出現倒退，但睇返今朝嘅股價反應似乎係市場預期之內，「股王」呢份業績嘅焦點喺邊？
農銀國際證券研究部主管陳宋恩指，騰訊呢份業績嘅焦點係業務結構，投資者要留意收入及利潤率變化，因為可以反映集團依家或未來幾季嘅業務發展。佢又話，微信整體用戶人數每季都錄得約30%同比增長，但收費增埴服務註冊帳戶喺第2季倒退，估計騰訊未來要喺業務上作出取捨，同埋會開始轉型，引入新業務模式，例如短視頻再引入廣告，預期未來兩季將會見到成效。
Philip續指，呢瓣業務威脅緊抖音、快手(01024)，因此，明顯見到今次業務轉變會更傾向用社群規模去吸納唔同類型廣告。
