【Now財經台】近期中資科網股表現罕有跑贏美股「科技七雄」(Magnificent Seven)，單睇4月以來，龍頭騰訊控股(00700)升11%，但美股一隻追蹤七雄嘅交易所買賣基金(ETF)就要跌4%，扭轉連升5個月走勢，風險承受能力較高投資者，應該買中資科網股捕捉升浪，還是部署買中特估或高息股較穩陣？
安柏環球金融首席投資總監雷志海指，港股及A股市場可選擇與經濟較相關，而較少受政策因素影響嘅行業股票，始終難預估政策走向，雖然內地經濟仍有問題要解決，但似乎最惡劣情況已經過去，加上近期內地或香港都有唔少大型公司回購股票，即公司管理層認為股值相對便宜，係吸納好時機。
John又話，投資者可留意與基本需求相關股票，如金融、消費股，以至旅遊股等，預計旅遊反彈勢頭會持續，尤其最近國際航班加大盛載量，刺激外遊，因此會較穩陣。
