【Now財經台】截至早上11時,1小時內《彭博》用戶關注度上升最多港股,依次為中國海洋石油(00883)、 龍源電力(00916)、 中芯國際(00981)、 中銀香港(02388)、 中國石油股份(00857)。
浙江省喺繼廣東省同山東省之後,內地第三個省份明確海上風電補貼標準,每度電最高補貼每千瓦時3分人民幣,綠電股喺咪下半年焦點?
獨立股評人譚智樂話,全球經濟放緩,能源股好難完全獨善其身,雖然綠電股今日表現唔錯,但年初至今走勢都略為跑輸大市,估計綠電股暫時仍會窄幅上落,有貨都唔需要太驚,因為經濟衰退的話,商品股或經濟敏感度高嘅板塊會先受壓。
Arnold又話,龍源電力短線觀望多一至兩日,看能否突破100天線,但要有心理準備,未能突破或會回軟至14元水平。