【Now財經台】阿里巴巴(09988)同百度(09888)業績勝預期，百度同阿里巴巴股價今個星期原本跌緊6%至7%，在今早大幅反彈下有望收復失地，下星期輪到美團(03690)出季績，而本月至今，美團暫時係ATMXJ中跌得較少的股份，科網股業績係咪有機會繼續帶動大市造好呢？
華盛証券分析師聶振邦認為，最重要睇市場對企業前景係咪持樂觀態度，始終第一季業績受封城因素影響，美團嘅旅遊或酒店業務收入會有一定影響，所以唔適宜對第一季業績有太大憧憬。不過，依家市場聚焦喺內地穩經濟措施，總理李克強亦曾提過，5月底前將有具體方案，消息對噚日港股有提振作用，所以聶Sir相信，近日焦點將會偏向穩經濟消息，而非企業業績。
