【Now財經台】小米集團(01810)首季業績由盈轉虧，不過，小米股價今朝一度彈高逾6%，高見11.78元，即使小米處於日升日跌格局，部署上都唔使太進取？
瑞萬通博香港上市產品銷售部董事葉文炘指，雖然小米跟隨其他新經濟股彈，但其實仲未擺脫到一浪低於一浪嘅格局，所以做部署必須嚴守止蝕，止蝕位可以考慮擺喺11元水平，桿槓方面，窩輪及牛熊證都未必要追到最高。
Abbie補充，新經濟股嘅引伸波幅今朝都幾波動，期權更一度跌5至6個波幅點子，屬於較大跌幅，因此，如果想依家入場買窩輪，不論博升或博回調，除要留意正股股價，引伸波幅都係影響窩輪價格嘅重要因素。
佢又話，參考返噚日騰訊控股(00700)嘅情況，小米下午引伸波幅可能會相對穩定，投資者可以睇定啲先。
