【Now財經台】恒生指數公司今日收市後會公布季檢結果，市場估計，百度集團(09888)、快手(01024)及京東健康(06618)等有機會「染藍」，其中百度今朝高開逾5%後，升幅一度擴大至逾6.2%，高見124.8元。
百度舊年3月嚟香港第二上市，上市第1日高見256.6元，但之後股價一直跌到今年3月低位99元先有反彈，如果以噚日收市價117.5元計，仍然「潛水」53%。
要留意百度收市後係咪成功「染藍」，不過，即使「染藍」，往往股價只有短暫刺激，而過去大部分藍籌「新貴」嘅股價，之後都要向下。
【股市脈搏】「染藍」幫唔到百度上返水面？
【分析】 2022/05/20 11:06
